Meshkujt më tërheqës dhe më zemërthyer të estradës (Foto)

Flori, Stine, Getoar Selimi, Ledri Vula, Blero, Noizy, Blerim Destani janë disa nga meshkujt shqiptarë të cilët kalohen çdo ditë për historitë e tyre të dashurisë.

Janë të pashëm, janë të famshëm, e janë të kërkuar shumë. E çfarë don më shumë sot në tregun muzikor shqiptar që të piketohesh menjëherë nga ndonjë femër për ta pasur në krah, e njohur kjo apo edhe e panjohur.

E nëse flasim për vajzat e njohur të muzikës, si ndodh kudo në botë ju afrohen atyre dhe ju besojnë një bashkëpunimn, një këngë me ta për të pasur më shumë fansa rreth vetes, për të krijuar një hit, por më pas përfundojnë në krahët e tyre sepse lind flirti, lind ndjenja dhe dashuria që zgjat shpesh herë vetën sa një këngë sezonale. Ne do të kujtojmë në këtë hulumtim tonin disa nga meshkujt që provuan shpesh edhe epitetin “Donzhuan”, u kapën mat me disa nga femrat e njohura dhe i ndërruan ato pasi lidhja e tyre mbeti jo e qëndrueshme.

E nisim me kantautorin Flori Mumajesi, që ende e kemi të freskët atë puthjen gjatë festivalit kur këndonte hitin e bukur me një femër të bukur siç ishte këngëtarja Soni Malaj, në atë kohë ëndrra e çdo mashkulli shqiptar. Por Flori flitet se ka kohë që rrinë pranë vetëm me Elvana Gjatën, megjithëse ata kurrë nuk flasin për dashurinë e tyre. E kur jemi te artistët që punojnë dhe këndojnë balada dhe këngë të bukura, ai më melankoliku dhe që futet në këtë listë si “vrasës zemrash” është edhe Stine. Na duhet të numërojmë disa vajza pas tij nga Roza Lati e cila si duket e ka rifituar kohët e fundit, më pas Adelina Berisha, Ronela Hajati e shumë vajza të tjera të panjohuar për publikun. Por një tjetër emër shumë i njohur dhe i kërkuar nga gjinia femërore është edhe reperi Ledri Vulaj.

Historia e tij e bujshme me këngëtaren Dafina Zeqiri, lidhja e shkurtër me modelen seksi Angela Martini, e deri te historia e freskët me vajzën e një avokati të njohur në Tiranë, e bëjnë atë një mashkull që ka vjedhur shumë zemra femrash seksi dhe të njohura.

E te reperët për të numëruar shumë femra që ndoshta edhe i kemi harruar është edhe Getoar Selimi, ky është një “ujk i vjetër” kur bëhet fjalë për lidhje me femra modele të njohura e deri te flirtet e shumta me këngëtare.
Atij iu vunë pas shumë femra, thashetheme apo të vërteta, nga Çiljeta, e deri te kjo e fundit e ekranit të madh në Tiranë, Marina Vjollca.

Por jo pak këtij termi si djalosh që rrëmben zemra me balada të tij por edhe me stilin e tij nuk është keq edhe këngëtari Blero. Pas një lidhje të gjatë të pagëzuar me martesë dhe më një fëmijë me aktoren e njohur kosovare Teuta Krasniqi, ai tashmë ka në krah një modele të bukur si Afrona Dika.

Por edhe aktori Blerim Destani jo pak herë është lakuar për histori dashurie me femra të njohura mes tyre edhe Tuna Sejdiu. Apo pa harruar mikun e aktorit, reperin Noizy, që shpesh herë është në lajmet rozë për lidhjet e tij sidomos me këngëtare dhe modele. Këta janë vetëm disa nga meshkujt që nuk janë rehatuar shumë, por nga ana tjetër ju ka bërë mirë për të qenë në fokus të mediave, duke rritur kështu edhe kërkesat e tyre. /Ikos-ks/

Gjest i madh nga Rey Manaj gjat kohes sa ishte ne vendlindje

Sulmuesi shqiptar i Interit, Rey Manaj, gjatë kohës sa ishte me Kombëtaren për ndeshjen miqësore ndaj Kosovës dhe Gjeorgjisë, ka bërë një gjest të madh.

18-vjeçari i cili çdo ditë po mahnitë me sukseset e tij, duke qenë pjesë e ekipit të parë të Nerazzurrëve, ka treguar se është një djalë me vlera të mëdha edhe jashtë fushës.

Manaj gjatë kohës në Shqipëri nuk ka harruar edhe vendlindjen e tij, në këtë rast qytetin e Lushnjes, përkatësisht klubin e qytetit.

Rey është takuar me trajnerin Artan Bano, dhe drejtuesit e klubit të Lushnjes duke i premtuar se do të ndihmon klubin në baza materiale. /Ikos-ks/

A e keni ditur qe egziston edhe nje Shqiperi tjeter ?!

Ndoshta është fakt i çuditshëm, por se ekziston edhe një Shqipëri në Kaukaz dhe që ndërkombëtarisht njihet si “Caucasian Albania”.

Albania Kaukaziane si shtet shtrihej në Kaukazin lindor, në territorin e Azerbajxhanit të sotëm, në Dagestanin jugor dhe në Gjeorgji. Në vitin 387 pas Krishtit, gjatë ndarjes së Armenisë në mes të Perandorisë Sasaniane dhe Perandorisë Romake, territori i Albanisë Kaukaziane u nda në dy zona: Aghuak dhe Utik , të cilat iu dhanë Armenisë. Pas luftërave të shumta që pasuan ato u aneksua krejtësisht nga Perandoria Sasaniane deri në shekullin VIII-të. Kryeqyteti i Albanisë Kaukaziane deri në shekullin e VI-të ishte Kabala. Më pas u bë kryeqytet Partavi. Albania Kaukaziane deri në shekullin e XIII-të njihej me emrin Persian Arran (Ardhan), shkruan Shekulli.

Grupet etnike të Albanisë Kaukaziane

Popullsia e Albanisë Kaukaziane ishte e përbërë nga 26 grupe etnike. Grupi etnik më i madh ishte grupi i shqiptarëve dhe për këtë arsye emri i shtetit të tyre u quajt Albania. Këto grupe etnike kishin gjuhën e tyre të përbashkët.

Grupet e tjera etnike përveç shqiptarëve ishin: gargarët, utitë, gelët, lezginët, silvitë etj. Hapësira gjeografike ku jetonin shtrihej në mes të Iberisë, detit Kaspik, maleve të Kaukazit dhe lumit Kur. Këto grupe etnike jetonin në fillim të maleve të Kaukazit deri në jug të Dagestanit të sotëm. Kur gjeografët e lashtë dhe historianët filluan të flisnin për popullsinë e Albanisë Kaukaziane, ata e kishin fjalën gjithnjë vetëm për popullsitë e pastra shqiptare në zonë.

Disa prej ekspertëve mendojnë se ka pasur vetëm një grup etnik të madh, atë të quajtur shqiptarët, i cili kishte jetuar përgjatë bregut të majtë të lumit Kur. Pikërisht, ky grup, sipas tyre, bashkoi dhe asimiloi nëngrupet e tjera etnike përreth dhe kështu u krijua shteti dhe mbretëria me emrin Albania e Kaukazit, i cili u përhap me pas në një territor të gjerë.

Armenizimi i shqiptarëve të Kaukazit

Në librat e historisë nuk arrijmë dot të gjejmë gjithë strukturën e plotë etnike të popullsive shqiptare të Kaukazit. Pjesa më e madhe e tyre, edhe pse fliste në dialekte të ndryshme të largëta mes tyre, ruante fenë e krishterë. Por pas luftërave të mëdha dhe pas shembjes së mbretërisë së shqiptarëve, një pjesë e madhe e tyre u detyrua të flasë gjuhën e pushtuesit armen dhe kjo shkaktoj armenizimin në masë të shqiptarëve.

Gjuha armene u fut shpejt sidomos në qytetet Arran dhe Shirvan. Vetëm popullsitë rurale shqiptare e ruajtën shumë më gjatë gjuhën e tyre të vjetër. Janë gjetur gjuhë të lidhura ngushtë me gjuhën e shqiptarëve të Albanisë Kaukaziane edhe në Dagestanin e sotëm.

Shqiptarët që jetonin në pjesët lindore të Albanisë Kaukaziane, e gjetën më vonë vetën nën sundimin e Perandorisë Persiane. Arabët i konvertuan ata me forcë në fenë islame. Më pas këtu erdhën turqit dhe kjo çoi në krijimin e Azerbajxhanit të sotëm.

Në shekullin XII-të dhe XV-të filluan dërgimet masive në trojet shqiptare të turqve të pasur, të familjeve aristokrate apo të ushtarëve të moshuar që të jetoni atje, pasi vendi bregdetar kishte klimë të mirë, peizazhi ishte i mrekullueshëm dhe i begatë dhe ngjanë aq shumë me brigjet e Adriatikut, ku jeton pjesa tjetër e shqiptarëve sot. Kjo ngjarje e ndryshoj emrin Arranit në Karabak.

Në gjuhën turke ose në gjuhën iraniane kjo do të thotë kopshti i gjelbër. Mirëpo shqiptarët në pjesët e sipërme të Karabakut nuk u zhduken dhe nuk u asimiluan dot nga muslimanët.

Kjo çoi në krijimin e aleancën së tyre më pas me Armenët, të cilët ishin të krishterë si shqiptarët. Në epokën e mesjetës së hershme në kufirin mes Albanisë Kaukaziane dhe Gjeorgjisë, grupet shqiptare nga perëndimi u bënë pjesë e kombit gjeorgjian dhe bashkimi i tyre njihet me emrin Erti. Rajoni më i vjetër i Albanisë Kaukaziane ka qenë pjesa veriore e luginës së lumit Kur dhe e lumit Alazani. Pikërisht këtu filluan zhvillimin komunitetet urbane, duke përfshirë dhe kryeqytetin e Albanisë Kaukaziane, Kabala.

Faktet e ekzistencës së Albanisë Kaukaziane

Ekzistenca e Albanisë Kaukaziane është e vërtetuar edhe falë artefakteve. Ekzistojnë zbulime arkeologjike të cilat tregojnë se Albania Kaukaziane ka pasur shkrimin dhe gjuhën e vet popullore. Por nga shekulli i III-të edhe gjuhën zyrtare. Në territorin e Azerbajxhanit dhe në Gjeorgjinë e sotme janë ende në këmbë kishat e shqiptarëve të Albanisë Kaukaziane, të cilat thirrën edhe sot si të tilla dhe dallohen qartë nga arkitektura, edhe pse mund t’u kenë ndërruar ndonjë simbol.

Mbretërit shqiptarë në Albaninë e Kaukazit

Mbreti i parë shqiptar quhej, Arranshahu. Ai u bë mbret kur pushtuesit e Albanisë Kaukaziane (Armenët dhe Persianët) deshën të vinin mbret të shqiptarëve njeriun e tyre, (një nga shqiptarët lokal).

Pas luftërave të egra çlirimtare kundër pushtuesve, njeriu që çliroi Arranin, u bë mbret i gjithë Albanisë Kaukaziane dhe u thirr me emrin, Arranshah. Kështu u krijua familja e parë mbretërore e Albanisë Kaukaziane.

Pas aleancës me Armeninë, mbreti shqiptar Urnair i Albanisë Kaukazian, i rikthyer në fenë e krishterë, u pagëzua në Armeni në vitin 370 para Krishtit. Ai u bë më pas një partner besnik edhe i Perandorisë Persiane, e cila si dhuratë, i dha Urnairit krahinat: Aghuak, Utik dhe Shakashen gjatë copëtimit të Armenisë në mes të Romës dhe Persisë.

Më pas në territorin e Utikëve mbreti pasues i shqiptarëve Vaqe ndërtoi një qytet, të cilin, në nderim të Mbretit Persian,i dha emrin Peroz, që më vonë ndryshoi në Partav.

Pushtuesit Arabë dhe Armenë filluan më pas të kacafyteshin me njëri-tjetrin për territorin e Albanisë Kaukaziane Pas luftërave të shumta të historisë një pjesë e popullsive të Albanisë Kaukaziane, siç thamë më lart, mbeti gjatë nën qeverisjen e Armenisë dhe u detyruan të përdornin gjuhën Armene. Një pjesë tjetër e popullsive mbeti nën qeverinë e Iranit. Ndërsa një pjesë e tretë mbeti nën qeverinë e Turqisë.

Megjithatë deri në shekullin të VII-të në Albaninë Kaukaziane kishte shumë territore shqiptare që përdornin masivisht gjuhën e tyre të vjetër dhe dalloheshin lehtësisht nga popujt e racat e tjera, që mbetën në vendin e shqiptarëve siç janë popullsitë armene, iraniane, turke etj.

Kështu nga shekulli i IX-të dhe i X-të Albanisë Kaukaziane i mbeti vetëm emri i shteti që nuk ekziston më. Por popullsitë shqiptare nuk u shfarosen.

Ato jetojnë edhe sot në Gjeorgji, në Azerbajxhan dhe në Karabak dhe dallohen shumë mirë nga popujt e tjerë jo vetëm nga karakteristikat e racës, por dhe ato të kulturës, nga zakonet e doket, nga gjuha etj. Ata nuk ngjajnë me ju shqiptarët e Shqipërisë së Adriatikut, por janë njësoj si ju.