Kushtet për tërheqjen e mjetit në defekt

57

3. Ndalohet tërheqja e mjetit në autoudhë, me përjashtim të tërheqjes kur prishja ka ndodhur gjatë drejtimit nëpër autoudhë deri në daljen e parë nga autoudha;

4. Ndalohet tërheqja e më shumë se një mjeti, me përjashtim të bashkësisë së mjeteve;

5. Dënohet për kundërvajtje, me gjobë prej dyzet (40) eurosh, shoferi i mjetit i cili vepron në kundërshtim me dispozitat e këtij neni.

Neni 109

Kushtet për tërheqjen e mjetit në defekt

1. Nëse mjeti tërhiqet me ndihmën e litarit apo lidhjes së fortë, shoferi i cili e drejton mjetin që tërhiqet duhet të ketë patentë shoferi për drejtimin e asaj kategorie të mjetit të cilit i takon mjeti i cili tërhiqet.

2. Dënohet për kundërvajtje, me gjobë prej dyzet (40) eurosh, shoferi i mjetit i cili vepron në kundërshtim me dispozitat e këtij neni.