Një tentim-vjedhje në një barnatore në Pinch, Virgjinian Perëndimore ka dështuar pasi farmacisti kishte nxjerrë armën e tij të fshehur dhe kishte qëlluar për vdekje hajnin.
Videoja e sigurisë tregon Terry Gillenwater, të maskuar, duke mbajtur stafin në shënjestër. Pak më vonë, farmacisti Don Radcliff nxjerr armën e tij dhe qëllon Gillenwaterin, transmeton Telegrafi.
Pas një goditje në shpatullat e Gillenwater, sulmuesi vazhdon ta mbante armën e tij në duar. Me goditjen e dytë, hajni goditet në fytyrë ku edhe paaftësohet. Megjithatë, edhe më tej hajni vazhdon të tentojë të qëllojë, por goditja e tretë e ulë atë për tokë. Radcliff dhe të tjerët menjëherë thirren ndihmën e shpejtë, por ai vdiq në spital.
Sipas medieve të huaja Gillenwater, 25, ishte i akuzuar për keqpërdorim të drogës dhe i ishte nënshtruar një programi të trajtimit. Gjithashtu sipas medieve, policia nuk ka ngritur akuzë ndaj farmacistit. /Telegrafi/
No comments:
Post a Comment