Ilaci çudibërës për shërimin e plagëve pa lënë shenja ne lekure.

Shkencëtarët nga qyteti siberian Tyumen kanë gjetur “gelin shërues” i cili siguron shërimin e plagëve pa lënë shenja.

Këtë gel shkencëtarët tashmë e kanë quajtur “lëkurë e lëngët”. Ai mundëson që djegiet të shërohen trefish më shpejt se kur përdoren mjetet e njohura sot për këtë qëllim.

Në thelb të tij janë qelizat burimore, ndërsa preparati gjatë 14 viteve është testuar në kafshë.

Dhuruese e materies aktive të këtij mjeti është – pula e zakonshme, transmeton Koha.net. Nga embrioni i saj, shkencëtarët kanë ndarë qelizat burimore dhe në bazë të tyre është krijuar geli.

Preparati pastron plagën dhe e mbulon me biombulesë, e cila i ndihmon organizmit të prodhojë indin e vet. Në këtë proces, përveç qelizave të indit lidhës formohet edhe indi epitelial.

Testimet kanë treguar që geli i ri mund të përdoret gjatë shërimit të shumë sëmundjeve dhe lëndimeve – si plagët, ulcerat, morthi.

Me aplikimin e gelit të ri shkencëtarët kanë arritur që në nivel qelizor të arrijnë ripërtëritjen e lëkurës e cila është lënduar me rrezatim ose ka pësuar ndryshimet që përcjellin diabetin.

Një nga karakteristikat më të rëndësishme të këtij preparati është që ka funksionin e mbrojtjes së lëkurës, ashtu që mund të aplikohet edhe në kozmetikë, theksojnë mediet, transmeton Koha.net.