Pas një “heshtje” lajmërohet Burim Ramadani, kërkon që t’i japim shtetit të Kosovës shumë dashuri!

Burim Ramadani nga Aleanca për Ardhmërinë e Kosovës, po thotë se shtetit të Kosovës po i mungon dashuria.

Në një shkrim të publikuar në rrjetin social Facebook, ai thotë se ta duam shtetin do të thotë ta zhvillojmë, ta ruajmë, ta kursejmë, ta respektojmë, ta ndërtojmë dhe ta forcojmë atë.

Shkrimi i plotë i Burim Ramadanit në Facebook:

Shteti i Kosovës ka nevojë për dashurinë e tonë për të. Dashurinë e të gjithë neve. Për vullnetin që ta bëjmë shtetin, ku të gjithë mund të jetojmë të lumtur.

Qartazi, shteti ynë ka nevojë për më shumë dashuri tonën për të.

E ta duam shtetin do të thotë ta zhvillojmë, ta ruajmë, ta kursejmë, ta respektojmë, ta ndërtojmë dhe ta forcojmë atë.

Ta duam shtetin do të thotë të mos mashtrojmë, të mos gënjejmë, të mos korruptohemi, të mos zhytemi në krim, të mos rrezikojmë të ardhmen e sigurt.

Kjo dashuri po mungon.

Është e pafalshme!